Сезоната на јагоди е во тек, затоа во прилог ви претставуваме десерт кој ќе ви се допадне со сигурност, не е многу благ и тежок за јадење а и лесно се подготвува.
Потребни состојки:
- 500 ml јогурт
- 200 g шеќер (може и обичен а може и во прав)
- 400 g бисквити
- 1 ванилин шеќер
- 500 gr свежи јагоди
- 500 ml блага хопла
Искршете ги бисквитите, додадете пола од шеќерот, јогурт и ванилин шеќер, па заедно измешајте добро, да впијат бисквитите.
Обложете калап или тавче со алуминиумска фолија и убаво распоредете ја смесата со лажица да нема празнини.
Во друг сад исечкајте ги јагодите на половинки или четвртинки (по ваш избор), ставете го остатокот од шеќерот, измешајте и посипете ги врз претходно подготвената смеса со бисквитите и јогуртот.
Хоплата се става во подлабок сад, се мати со миксер околу 5 минути и се посипува врз јагодите.
Се остава во фрижидер да отстои барем еден час и да омекнат бисквитите и е спремна за јадење. Наздравје!