Моцарт куглите биле измислени од слаткарот Фурст во 1890 година и именувани по познатиот композитор. Познато е дека овој деликатес е вкусен, но и скап. Добрата вест е што можете да ги направите дома доколку ги следите деталните упатства.
Потребни состојки:
- 150 гр марципан
- 50 гр сецкани ф’стаци
- 80 гр сецкани лешници
- 50 гр стопен путер
- 2 лажици нугат крем
Начин на подготовка:
За смесата за нугат измешајте ги лешниците, кремот и путерот и ставете ги во фрижидер да се стегнат. Посебно измешајте 75 гр марципан со мелени ф’стаци и од оваа смеса формирајте топчиња со дијаметар од околу 1 cm. Од преостанатите 75 гр марципан направете топчиња кои потоа ги одвојувате за да добиете круг кој може да ги обвиткува топчињата од ф’стаци. Истиот процес повторете го и со смесата за нугат – распоредете ја со прстите за да добиете круг околу кој ќе ги завиткате топчињата. Ставете ги во фрижидер да се стегнат додека го топите чоколадото. Потопете ги во чоколадо и вратете ги во фрижидер најмалку еден час.