Убодот од пчела е многу непријатно чувство. Боли и чеша, а тоа се случува затоа што пчелата испушта малку отров преку убодот. Овој отров содржи протеини кои предизвикуваат болка и можат да влијаат на имунолошкиот систем и клетките на кожата.
Но, тоа не е ништо во споредба со она низ што треба да помине пчелата.
Ќе бидете добро по неколку часа, но пчелите нема да имаат толку среќа. Пчелите обично не ги боцкаат луѓето освен ако се чувствуваат загрозени или случајно не ги нападнете.
Проблемот е што откако ќе ве убоде, таа не може да го извади своето осило од кожата. Тој убод не е само одбранбен механизам, содржи и делови од дигестивниот тракт на пчелата, нерви и мускули кои, за жал, се неопходни за нормално функционирање на пчелата.
Така, откако ќе го изгуби сето тоа, таа не може да преживее.
Пчелите имаат 5 очи, два пара крила и 6 нозе. Имаат одлични инстинкти за преживување и постојат многу долго време, 130 милиони години и повеќе… Повеќето пчели во кошницата се работници, а „главна“ е матицата. Снесува околу 2000 јајца дневно. Просечна кошница содржи 50.000 пчели, а тие исчезнуваат по само еден убод.
Пчелите се брзи, мавтаат со крилјата речиси 200 пати во секунда. Секоја пчела произведува околу една лажичка мед во текот на својот живот. Овие вредни животни прават околу 100 милиони патувања до околу 2 милиони цвеќиња за да соберат доволно нектар за малку мед.