Потонатиот град во Кина, познат и како „Кинеска Атлантида“, е целосно зачуван на дното на езерото Чингао, на длабочина од 40 метри. Градот е познат и како Ши Ченг (Град на лавовите), се наоѓа на истокот на Кина.
Повторно беше откриен од кинески научници во 2001 година и отворен како туристички локалитет во 2017 година.
Се верува дека Ши Ченг бил изграден за време на династијата Хан, помеѓу 25 и 200 година од нашата ера. Порано бил политички и економски столб на источната провинција Жеџијанг.
Градските ѕидини, за кои се верува дека датираат од 16 век, имале пет влезни порти, за разлика од традиционалните четири во старите кинески градови, а широките улици содржат 265 сводови со камени ѕидови од змејови, феникси и лавови.
Во 1959 година, кинеската влада одлучила да изгради хидроцентрала во областа, а потоа, неочекувано, одлучила да го поплави градот. Тогаш биле раселени повеќе од 300.000 луѓе.
Најчудно е што градот е недопрен како во периодот кога бил поплавен.
