Околу една петтина од гасовите во атмосферата на Земјата се кислород, кој го дишеме. Приказната за соседната Венера е сосема поинаква, атмосферата таму е токсична за нас. Меѓутоа, неодамна научниците на НАСА пронајдоа траги од кислород во неа.
Молекулите на кислород се она на што се заснова животот на Земјата. Во нашата атмосфера тоа е околу една петтина од сите гасови, азотот го исполнува најголемиот дел од остатокот од атмосферата.
Сосема е различно на соседната Венера. Во нејзината атмосфера доминира 96,5 отсто јаглерод моноксид, кој е отровен за копнените суштества. Што е со останатите 3,5 проценти?
Неодамнешното истражување на Американската вселенска агенција (NASA), во кое учествуваше и Германската вселенска агенција (DLR), покажа дека во тие 3,5 проценти се наоѓа и кислород.
Во тенкиот слој на атмосферата на Венера се кријат траги од атоми на кислород, а истражувачите тоа го откриле со помош на инструментот SOFIA. Станува збор за конвертиран авион Боинг 747SP, кој има инфрацрвен телескоп на него за да ги набљудува вселенските настани додека лета низ стратосферата.
– Ние сме само на почетокот на разбирањето на еволуцијата на Венера и зошто таа е толку различна од Земјата – изјави германскиот физичар и главен автор на студијата Хајнц-Вилхелм Хуберс. Тој, исто така, истакна дека кислородот на Венера не значи дека може да биде погоден за живот, бидејќи Земјаните дишат молекули на кислород, а не атоми.
Кислородот на Венера се создава со помош на ултравиолетово сончево зрачење, кое ги разложува молекулите на јаглерод диоксид и моноксид во атоми во токсична атмосфера.