Новак Ѓоковиќ, најдобриот тенисер во светот, е меѓу номинираните за наградата спортист на годината што ја доделува британски Би-Би-Си.
Новак Ѓоковиќ по исклучително успешната сезона се најде на листата со кандидати што ја објави Би-Би-Си за наградата за најдобар спортист на годината, која претходно ја доби Лионел Меси.
Српскиот ас е голем фаворит, а меѓу номинираните се и Ерлинг Халанд, фудбалерот на Манчестер Сити, возачот на Ред Бул, Макс Верстапен, Симоне Билес, американската гимнастичарка, Ајтана Бонмати, фудбалерка на која Новак и ја додели наградата „Златната топка“ како јужноафриканската рагбистка Сија Колиси.
Минатата година добитник на наградата беше Лионел Меси за водењето на Аргентина до трофејот на Светското првенство, но оваа година достигнувањата на Новак се поголеми од сите други кандидати.
Српскиот ас сезонава освои три Грен слем турнири, на еден стигна до финалето, а беше и шампион на завршниот Мастерс во Торино.
Би-Би-Си истакнува дека Новак го израмни рекордот по број на освоени Грен слем со познатиот Маргарет Корт, како и го надмина рекордот на Штефи Граф по бројот на недели поминати на врвот на АТП листата.
Покрај тоа, Ѓоковиќ по осми пат во кариерата ја заврши сезоната како број еден, а годинава освои вкупно седум титули.
Гласањето за спортист на годината е отворено до 12 декември, а конечните резултати, односно името на победникот ќе бидат објавени на 19 декември.
Оваа номинација е малку ненадејна бидејќи британските медиуми често не биле наклонети кон Новак, пренесува Спутник.