Меркур, планетата на логиката и расудувањето, ќе започне својот ретрограден од на 15 март во знакот Овен и ќе се движи наназад сè до 8 април. Во текот на овој период, Меркур ќе се врати во Риби, што ќе има силно влијание врз Стрелците, Рибите, Близнаците и Девиците.
Ретроградниот Меркур во Овен носи динамична, но хаотична енергија која може да влијае на комуникацијата, донесувањето одлуки и меѓучовечките односи. Бидејќи Меркур владее со комуникацијата, логиката и технологијата, неговото ретроградно движење во импулсивниот и борбен Овен може да предизвика недоразбирања, избрзани одлуки и фрустрации во секојдневниот живот.
Избрзани одлуки
Овенот е знак на акција, но кога Меркур е ретрограден во него, може да дојде до непромислени зборови, брзоплети постапки и повторно отворање нерешени конфликти од минатото. Овој период носи ризик од технички проблеми, застои во сообраќајот, како и недоразбирања предизвикани од прекумерна искреност или наглост во изразувањето.
Бидејќи Овенот симболизира нов почеток, овој ретрограден период ни дава можност да ги преиспитаме своите цели, да ги ревидираме плановите и да се ослободиме од старите обрасци што нè ограничуваат. Клучот за надминување на предизвиците што ги носи ретроградниот Меркур во Овен лежи во трпението, промисленоста и подготвеноста да се слушнат и другите, наместо да се реагира импулсивно.