Повеќегодишната битка за развод на Бред Пит и Анџелина Џоли конечно завршува бидејќи познатиот актер сега наводно „се откажал од барањето старателство“ над децата што ги има со филмската ѕвезда.
Извор изјави за Дејли мејл дека двојката, која е вовлечена во жестока судска битка по разделбата во 2016 година, моментално се во разговори и конечно се затвораат во процесот. Крајот се очекува до летото, тврди изворот.
Иако Бред првично бараше договорено заедничко старателство над шесте деца, инсајдерот сега откри дека тој повеќе „не го застапува тоа“. Голема улога одигра и тоа што повеќето од нивните деца „старееја“ низ процесот на разделување. Имено, само 17-годишната Шајло и 15-годишните близнаци Нокс и Вивиен се уште се под 18 години. Сепак, Шајло ќе наполни 18 години во мај.
Тоа значи дека 48-годишната Анџелина ќе го задржи примарното физичко старателство над децата, а ќе има и права на посета.
Од друга страна, 22-годишниот Медокс, 20-годишниот Пакс и 19-годишната Захара имаат комплицирани односи со Бред, а поради нивната полнолетност не се вклучени во никакви договори за старателство.
Исто така, се навести дека нивните деца не се во добри односи со нивниот славен татко. Посвоениот син Пакс наводно не разговарал со актерот од неславната тепачка во приватен авион со која заврши познатиот брак, а наводно Бред веќе не го ни смета за родител.
Назад во 2020 година, на својот приватен Инстаграм профил, тој го нарече Бред „клошар од светска класа“ и „одвратна личност“ која ги тера неговите четири најмали деца да „треперат од страв“. Во една објава на Инстаграм, тој истакна дека Бред „повторно и повторно докажува дека е ужасна и одвратна личност“.
Освен тоа, Захара го променила името во „Захара Џоли“, односно повеќе не се вика „Захара Џоли Пит“, што всушност и е официјално име.
Според пријателите на Анџелина, „Бред нема кој да обвинува освен себеси“.
Се што сака Анџелина е да го средат семејството и да продолжат понатаму – истакнува изворот, односно пријателката на Анџелина.
Да потсетиме, оваа ѕвездена двојка ја започна својата турбулентна врска во 2005 година и веднаш предизвика полемика. Тие се запознале на снимањето на филмот „Господин и г-ѓа Смит“ додека тој сè уште бил во брак со ѕвездата на „Пријатели“ Џенифер Анистон и речиси веднаш се појавиле гласини дека тој ја изневерил својата тогашна сопруга.