ОВЕН
Иако се можни расправии со партнерот, љубовни или деловни, сепак успевате да ги ставите работите на свое место, благодарение на положбата на вашите владетели Плутон и Марс, кои денес навлегуваат во астролошкото поле на партнерство. Стрелецот мисли на вас.
БИК
Марс, владетелот на партнерските односи, но и на тајните непријатели, влегува во Вага и прави полуквадрат со вашата владетелка Венера, па можни се конфликти во љубовта и вонредни трошоци. Парите течат низ странство, настава, издаваштво, правни работи.
БЛИЗНАЦИ
Владетелот на вашиот работен и социјален живот, Марс, денес влегува во астролошката куќа на љубовта и креативноста, носејќи ви успех и пари, доколку се занимавате со уметнички определби, спорт или сте присутни во јавноста преку работа. Водолијата сака да ве види.
РАК
Влегувањето на Марс, планетата на конфликти, во астролошкото поле на приватниот живот (како и приватниот бизнис) ви носи помалку триење со вашата сакана и постарите членови на семејството. Парите се слеваат кон вас преку заеднички договор со љубовен или деловен партнер.
ЛАВ
Марс влегува во вашето поле на логика и бизнис, правејќи добар аспект со вашиот владетел Сонцето и Плутон, па постигнувате договор за соработка со странци или за некаков интелектуален ангажман. Избегнувајте конфликти со соработниците и колегите.
ДЕВИЦА
Планетата која владее со астролошките полиња на зделки и финансии, Марс, навлегува во полето на работа, носејќи ви профит преку креативни и интелектуални ангажмани, но и спорт. Избегнувајте расправии со партнерот и членовите на семејството. Ракот мисли на вас.
ВАГА
Марс, планетата на акцијата и иницијативата, денес влегува во вашиот знак, правејќи ве поенергични и попретприемнички, како на деловен, така и во љубовен план. Можни се дискусии со саканата личност која сака да ви наметне некои свои ставови и предлози.
СКОРПИЈА
Тројката помеѓу вашите владетели Плутон, планетата на моќта и парите, и Марс, кој денес влегува во астролошката куќа на интуицијата и тајните, ви носи зголемување на приходите преку работните места поврзани со пишување, кратки патувања, трговија. Тајна романса со Риби.
СТРЕЛЕЦ
Со Марс во Вага, вашиот социјален живот станува поинтензивен, додека аспектите на Месечината во астролошкото поле на пари носат приход преку работните места за кои е потребна голема упорност и прецизност. На некој собир, вашите пријатели може да ве запознаат со некоја шармантна, помлада личност.
ЈАРЕЦ
Марс во астролошката куќа на кариерата ве прави уште поамбициозни, а Месечината во знакот ве прави попрактични, особено ако сте присутни во јавноста преку работа, преку уметност, пишување, превод или работи од државно значење. Ракот мисли на вас.
ВОДОЛИЈА
Со нагласеното поле на имагинација и Марс во Вага, можете да очекувате да ги реализирате вашите планови за зголемување на приходите преку работни места кои вклучуваат почесто патување и контакт со многу луѓе. Можна романса со Вага на пократко патување, предавање, семинар.
РИБИ
Влегувањето на Марс, планетата на акцијата, во астролошката куќа на парите, ве поттикнува што повеќе да се занимавате со бизнис со странци што ви носи профит. Позицијата на Месечината, владетелот на љубовниот живот, ви носи средба со Јарецот на некој собир.