Денешната млада месечина е во земниот знак Девица, па затоа е време од годината кога започнуваме нешто ново. Овој астролошки период е добар за сите знаци, но особено за Девиците, Јарците и Биковите бидејќи можат да свртат нов лист во животот.
Младата Месечина во Девица носи енергија која е идеална за поставување нови цели, организирање и усовршување на секојдневните рутини.
Девицата е знак кој е познат по својата прецизност, аналитичност и внимание на деталите, па овој период не поттикнува да се фокусираме на ситниците кои можат да ни го подобрат животот.
Ова е време кога можеме да започнеме нови проекти или да работиме на подобрување на постоечките, особено оние кои бараат трпение, организација и практичност.
Енергијата на Девицата не мотивира да бидеме попродуктивни, да се грижиме за своето здравје и да внимаваме на работи кои често ги запоставуваме.
Исто така, новата Месечина во Девица е поволна за решавање на проблемите на работа, организирање на домаќинството и воведување здрави навики.
Доколку имате желба да промените нешто во секојдневниот живот, овој период е совршен за поставување на темелите за тие промени. Размислете како можете да го подобрите вашиот живот преку мали, но значајни чекори и поставете си цели што се реални и остварливи.