Дијабетот и здравиот животен стил: како да го намалиме ризикот
Во Македонија неофицијално живеат над 200.000 луѓе кои се соочуваат со дијабет, хронично заболување кое се јавува кога панкреасот не произведува доволно инсулин или кога телото не може ефективно да го искористи – состојба позната како инсулинска резистенција. Ова доведува до хипергликемија, покачено ниво на шеќер во крвта, која доколку не се контролира, може да предизвика сериозни оштетувања на крвните садови и нервите.
Превенција и здрави навики
Основата за намалување на ризикот од дијабет е здрава и разноврсна исхрана, редовна физичка активност и одржување на нормална телесна тежина. Еве неколку практични совети:
- Вклучете повеќе овошје и зеленчук во секојдневната исхрана.
- Намалете го внесот на шеќери и заситени масти.
- Вежбајте или пешачете најмалку 30 минути дневно.
- Избегнувајте тутун и алкохол.
Важно е исхраната да биде прилагодена на индивидуалните потреби и животен стил. Тоа значи дека понекогаш можете да си дозволите и храна која ја сакате, бидејќи строго самоналагање само ја зголемува желбата за нездрава храна. Разновидната и урамнотежена исхрана не само што го поддржува здравјето, туку и го намалува стресот.
Здрави замени и иновации во исхраната
- Користете Стевиа наместо обичен шеќер.
- Изберете крекери или гранола без додаден шеќер наместо чипс или тестенини.
- Консумирајте јаткасти плодови и немасни производи.
- Ограничете ги гурманските задоволства и алкохолот.
- За појадок користете џем засладен со фруктоза наместо со додаден шеќер.
Современата прехранбена индустрија нуди широк спектар на здрава храна, која овозможува задоволство дури и кога се бара нешто слатко и вкусно.
Потрошувачите никогаш немале поголем избор на здрави опции, па сега е полесно да се задоволат желбите без да се загрози здравјето.
Поддршка на имунитетот
За силен имунитет е потребна разновидна исхрана богата со витамини, минерали и пробиотици. Само со внимателен избор на намирници можеме да обезбедиме и задоволство и здравје.
