Технолошките иновации, пред се воздушните перничиња, значајно го намалија ризикот од смрт во сообраќајни незгоди. За жал, бројот на загинати на патот се уште е алармантно голем. Сепак, ризикот не е ист за сите патници во возилото.
Белгиската организација за безбедност на патиштата VIAS тврди дека возачот на автомобилот е повеќе изложен на ризик од другите патници, и покрај мислењето на многумина дека патникот има поголем ризик да загине во несреќа.
Возачот е изложен на 37 отсто поголем ризик од смрт во сообраќајна незгода во споредба со сопатник, па дури и 47 отсто поголем ризик од луѓето што седат на задното седиште, пренесува порталот gocar.be.
Од друга страна, како најбезбедно место во автомобилот е проценето задното седиште во средината.
