Синдикатот на самостојните јавни научни установи (ССЈНУ) како репрезентативен синдикат на ниво на гранка научно истражување и развој свикува работна средба со членството заради барање за потпишување нов Колективен договор со министерот за образование и наука.
Со оглед на тоа што платите на вработените во јавните научни установи не се променети од 2019 година, потпишувањето на новиот Колективен договор има за цел на системски начин да го реши прашањето за платите.
Предлогот за новиот Колективен договор од страна на ЈНУ е подготвен и на средбата се очекуваат претставници од МОН да го пренесат ставот на Министерството.
