КУЛТУРА

Актерот Јордан Симонов е лауреатот на 31. Меѓународен фестивал на камерен театар „Ристо Шишков”

Жири-комисијата на 31. Меѓународен фестивал на камерен театар „Ристо Шишков” во состав: Дарја Ризова, претседател, Мими Таневска и Иван Додовски, членови, едногласно ја доделија престижната награда за највисоко актерско остварување „Ристо Шишков” на актерот Јордан Симонов за улогата на Павле во претставата „Лагата” од Флоријан Зелер, во режија на Бесфорт Идризи, а во продукција на Македонскиот народен театар од Скопје.

Jordan Simonov

Како што истакна жири-комисијата, Јордан Симонов, со внимателно избрани актерски средства, успева да оствари моќна и осмислена улога. Тој покажува особено чувство за партнерска игра и вешто го води ликот, кој во себе крие тајни, од привидна наивност до длабока перфидност. Со својата способност за трансформација, Јордан Симонов доминира на сцената, субверзивно поигрувајќи си со очекувањата на публиката, на работ меѓу комичното и неверојатното, меѓу лагата и вистината.

Jordan Simonov 1

Уште еден во низата на актери од ансамблот на Македонскиот народен театар ја пишува историјата на овој престижен фестивал.

Subscribe
Notify of
0 Коментари
Inline Feedbacks
View all comments
Back to top button
close