МАКЕДОНИЈА

Македонија го слави 8.септември – Денот на независноста

На 8 септември 1991 година убедливо мнозинство – 95% од граѓаните што излегоа на референдумот, позитивно одговорија на референдумско прашање: „Дали сте за самостојна Македонија со право да стапи во иден сојуз на суверени држави на Југославија“?

На гласањето, според официјалните податоци, од 1.495.626 гласачи излегле 1.132.981 граѓанин со право на глас или 71,85 отсто, а од вкупниот број граѓани кои гласале на Референдумот, позитивно се изјасниле 1.079.308 граѓани односно 95,09 отсто (односно 72,16 % од вкупниот број на граѓани со право на глас). На референдумот му претходеше Декларација за независност што првиот повеќепартиски Македонски парламент ја усвои на 25 јануари 1991 година.

Во официјалниот извештај на Комисијата за спроведување на Референдумот се вели дека за начинот на кој беше спроведен не беа поднесени приговори или жалби поради неправилности или повреди на одредбите на Законот за републички Референдум. Комисијата ја констатирала масовноста на граѓаните со право на глас во Македонија кои се изјасниле “за” самостојна и суверена Македонија.

Македонците самите резултати ги прифатиле со голем оптимизам и еуфорија. Честит празник Македонци, честит празник татковино!

Subscribe
Notify of
0 Коментари
Inline Feedbacks
View all comments
Back to top button
close